Petit Village
2025–2026 · Vivenda colectiva
Colaboración en Proxecto Básico e de Execución
Cliente: Manaar Arquitectura
Colaboración no desenvolvemento do Proxecto Básico e de Execución de Petit Village, un edificio residencial situado no barrio do Aeroporto, en Madrid, seleccionado na segunda edición do concurso internacional Reinventing Cities.
O proxecto contempla 73 vivendas de protección pública e 25 apartamentos turísticos, cunha proposta baseada na eficiencia enerxética, a sustentabilidade e o emprego da madeira como material principal de construción.
O edificio concíbese como unha pequena comunidade vertical, integrando vexetación en fachadas, cubertas e espazos exteriores e incorporando numerosos espazos compartidos.
Na planta baixa, un zaguán atravesa o edificio conectando as dúas rúas, arredor do que se organizan usos comunitarios como coworking, salas polivalentes, cafetería, ximnasio, gardería ou lavandería.
Nas plantas residenciais, o acceso ás vivendas realízase a través dunha rúa suspendida inspirada nas tradicionais corralas madrileñas, concibida non só como elemento de circulación, senón tamén como espazo de relación entre os habitantes.
Hortas, solarios, xardíns e outras zonas comúns completan unha proposta orientada a favorecer novas formas de convivencia entre diferentes xeracións e modos de habitar.
