Reforma de local para reconversión en vivenda.

Unha parella nova cun fillo. Tiñan unha idea xeral de distribución espacial e precisaban dunha man para clarificar o esquema e mellorar o funcionamento da vivenda.

Sabían que querían unha vivenda moderna cun estilo “industrial”, práctica e acolledora á vez.

Así, a proposta foi deixar a estructura e o forxado de viguetas e bovedilla de formigón vistos na zona común. Resolver a transición público/privado mediante un moble-banda equipado que concentrase o almacenamento e o paso de instalacións. Un eixe vertebrador que libera o resto do espazo dando flexibilidade e liberdade aos clientes para ocupar a vivenda do xeito que deseñen.

Os espazos de noite oriéntanse á luz da mañá e teñen unh estructura máis permanente. A cociña, comedor e salón resolvénse nun espazo contínuo que se abre á luz da tarde.

Respecto dos acabados, predominan os tons neutros e a madeira, paredes claras,  chan cerámico idóneo para conducir a calefación radiante e toques industriais dados polas instalacións vistas, a iluminación e o mobiliario.